اسلام آباد۔17نومبر(اے پی پی) وفاقی وزیر تعلیم و پیشہ ورانہ تربیت خالد مقبول صدیقی آکھیے پاکستان دی ترقی دا واحد رستہ تعلیم اے، تعلیم نہ صرف ویلھے دی لوڑھ اے بلکہ ساݙے دین دا پہلا حکم وی اے۔اے ڳالھ انھاں کراچی اچ علامہ اقبال اوپن یونیورسٹی دے سندھ چیپٹردے کانووکیشن توں بطور مہمان خصوصی خطاب کریندے آکھی ۔ وفاقی وزیر اتے علامہ اقبال اوپن یونیورسٹی دے وائس چانسلر ایم ایس، ایم فل اتے پی ایچ ڈی دے طالبیں اچ ڈگریاں تقسیم کیتیاں ج??ہا?? اچ چنڳی کارکردگی ݙکھالݨ آلے طالبیں کوں گولڈ میڈل ݙتے ڳئن ۔اے ڳالھ قابل ذکر اے جو گریجویٹ طالبیں اچ زیادہ تعداد طالبات دی ہئی۔وفاقی وریز تعلیم آکھیے تکھی رفتار دنیا سارا کجھ بدال تے رکھ ݙتے جے کوئی نی بدلیا تاں او جیں خود کوں بدلݨ دا ارادہ وی نہ کیتا ہووے تے جیڑھا خود کوں بدلݨ دی کوشش نی کریندا ۔ انھاں آکھیےپاکستان دی آبادی دا 65فیصد ن??نگ??اں دا ہے ، تقریبا18کروڑ ن??نگ??اں دی طاقت ایں پاکستان نال اے ،اے ن??نگ?? اساں کیتے ھک موقع وی ہے تے ھک چیلنج وی ۔ انھاں ن??نگ??اں تے زور ݙتے جو او خود کوں ڈیجٹل دنیا تے مصنوعی ذہانت نال روشناس کراون، زمانے کدی رفتار نال قدم رلا تے ٹرن تاں جو ملک دی ترقی اچ کردار نبھا سڳن ۔ ایں موقع تے خطاب کریندے ڈاکٹر ناصر محمود آکھیے صوبہ سندھ اچ یونیورسٹی دے 10علاقائی کیمپس ہن ج??ہا?? اچ تقریبا44ہزار طالب تعلیم گھندے پئن ، یونیورسٹی توں اڄ تئیں گھٹ ودھ 50لکھ طلبہ گریجویٹ تھی چکئن اساں وݙے یقین نال آکھدوں جو پاکستان دا کوئی گھر ایجھا کائنی جیں اچ علامہ اقبال اوپن یونیورسٹی دا طالب علم یا گریجویٹ نہ ہووے۔ علامہ اقبال اوپن یونیورسٹی دا تعلیمی دائرہ ہݨ پاکستان تئیں محدود کائنی بلکہ دنیا دے 36ملکاں توں انٹرنیشنل طلبہ پاکستان دی ایں وݙی جامعہ توں تعلیم گھندے پئن ڈاکٹر ناصر محمود گریجویٹ ہووݨ آلے طالبیں کوں مبارخ ݙیندے آکھیے اے یونیورسٹی تساݙی اے تے تساں ساݙا ماݨ ہیوے آؤ ملک دی ترقی اچ آپݨا حصہ پاؤں۔
