نیویارک۔25ستمبر(اے پی پی) وزیراعظم محمد شہباز شریف آکھیے اقوام متحدہ دے سیکرٹری جنرل انتونیو گوتیریس نال ملاقات کیتی تے مقبوضہ وادی اچ بھارت دی جارحانہ کارروائیاں تے پاکستان دی شدید تشویش کریندے جنوبی ایشیا اچ دیر تئیں امن تے استحکام یقینی بݨاوݨ دے جھیڑے دے حل تے فلسطینیاں دے خلاف اسرائیل دی نسل کشی دی مہم دی شدید مذمت اتے غیر مشروط وختی جنگ بندی دا وی مطالبہ کیتا۔ وزیراعظم ??ٓفس دے میڈیا ونگ توں جاری پریس ریلیز موجب وزیراعظم محمد شہبازشریف اتے اقوام متحدہ دے سیکرٹری جنرل انتونیو گوتریس وچال اقوام متحدہ دی جنرل اسمبلی دے اجلاس دے موقع تے ملاقات تھئی ۔وزیر اعظم ??قوام متحدہ دے سیکرٹری جنرل دی طرفوں “مستقبل دی سربراہی” کانفرنس کراوݨ دا خیر مقدم کیتا تے ایں امید دا اظہار کیتے جو ایندے نتیجے توں ترقی پذیر ملکاں کوں پائیدار ترقیاتی اہداف (ایس ڈی جیز) اتے موسمیاتی اہداف دے نفاذ سانڳے مالیاتی خلا اتے نظام کوں چنڳاں کرݨ اچ مدد ملسی ۔ سیکرٹری جنرل کوں جموں و کشمیر دی صورتحال تے بریفنگ ݙیندے وزیراعظم مقبوضہ وادی اچ بھارت دی جارحانہ کارروائیاں تے پاکستان دی شدید تشویش کیتی تے جنوبی ایشیا اچ دیر تئیں امن و استحکام یقینی بݨاوݨ سانڳے جھیڑے کوں مکواݨ دی لوڑھ تے زور ݙتا ۔ انھاں سیکرٹری جنرل تے زور ݙتے جو او جموں و کشمیر متعلق اقوام متحدہ دی سلامتی ??ونسل دی متعلقہ قرارداداں تے عملدرآمد اتے کشمیریاں دے حق خودارادیت کوں یقینی بݨاوݨ سانڳے آپݨا اثرو رسوخ استعمال کرن۔ وزیراعظم فلسطینیاں دے خلاف اسرائیل دی نسل کشی دی مہم دی شدید مذمت کیتی تے وختی تے غیر مشروط جنگ بندی دا مطالبہ کیتے۔ انھاں ع??لمی برادری تے وی زور ݙتے جو او اسرائیل دا احتساب کرے۔ وزیر اعظم خودمختار ریاست فلسطین جیں دا دارالحکومت القدس الشریف ہووے، دے قیام سانڳے پاکستان دی حمایت دا اعادہ کیتے۔ وزیر اعظم ??سلامو فوبیا دی ودھدی لہر اتے دنیا اچ مسلماناں دے خلاف امتیازی سلوک روکݨ دی لوڑھ تے زور ݙتا ، انھاں سال 26۔2025 سانڳے اقوام متحدہ دی سلامتی ??ونسل دے غیر مستقل رکن دے طور پر بین الاقوامی امن اتے سلامتی سانڳے فعال کردار نبھاوݨ سانڳے پاکستان دے عزم دا اعادہ کیتے۔ سیکرٹری جنرل انتونیو گوتیریس اقوام متحدہ اچ پاکستان دی فعال شمولیت دے نال نال اقوام متحدہ دے امن مشن اچ شرکت اتے بین الاقوامی امن و سلامتی دے قیام سانڳے پاکستان دے کردار تے وزیراعظم ??ا شکریہ ادا کیتا۔
