اسلام آباد۔2نومبر (اے پی پی):سپریم کورٹ نایاب عمرانی ازخودنوٹس کیس دی سماعت ھک مہینے کیتے ملتوی کریندے ہوئیں ایڈیشنل ایڈوکیٹ جنرل بلوچستان کوں ذاتی طور تے نایاب عمرانی دے مالی معاملات حل کرݨ دا حکم ݙے ݙتے ۔ عدالت ??ظمی رجسٹرار سندھ ہائیکورٹ اتے رجسٹرار اسلام آباد ہائیکورٹ توں وڈیو لنک سہولت متعلق جو??ب جمع منڳدے ہوئیں قرار ݙتے جو رجسٹرار سندھ ہائیکورٹ اتے رجسٹراراسلام آباد ہائیکورٹ وڈیو لنک سہولت متعلق جو??ب جمع کراون۔ منگل کوں جسٹس عمر عطا بندیال دی سربراہی اچ ترائے رکنی بنچ کیس تے سݨیج کیتی ۔ دوران سݨیج جسٹس عمر عطا بندیال نایاب عمرانی کوں الویندے ہوئیں ریمارکس ݙتن جو تساݙے ایں کیس توں اوکھ پیدا تھیندی پئی اے ،تساݙے خاندان دے کتنے لوک قتل تھئن ۔ جیں تے نایاب عمرانی عدالت کوں ݙسایا جو میݙی والدہ، بھیݨ ، بھرا ت?? بھابی کوں مترائ?? بھراویں قتل کیتے ۔ ایں دوران جسٹس سجاد علی شاہ نایاب عمرانی کوں مخاطب کریندے ہوئیں ریمارکس ݙتے جو مسئلہ اے ہے جو قتل کیس ہݨ وی ذیلی عدالتاں اچ چلدا پئے ، سپریم کورٹ ا?? ٻہہ تے جیکب آباد سیشن کورٹ دے انڈر ٹرائل کیس متعلق حکم نی ݙے سڳدے ، تساکوں جتھاں بیان ریکارڈ کراوݨا ہووے ونڄ سڳدو ،عدالت ??ظمی متعلقہ علاقیں دے ایس پی پولیس کوں تساکوں تحفظ ݙیوݨ دا حکم ݙے سڳدیاے، ایں موقع تے نایاب عمرانی موقف اپنائے جو میݙٰی بھیݨ کوں پولیس پروٹیکشن اچ ہی قتل کیتا ڳیا ہئی ،میں اپݨے خاندان دی واحد فرد بچی ہاں جے جیکب آباد ڳئی تاں میکوں وی مار ݙیسن ، اپݨی بھیݨ دے قتل دی گواہ خود ہاں ، عدالت ??وں درخواست اے کیس اتھاں ٹرانسفر کرݙیون ۔ جیں تے جسٹس عمر عطا بندیال ریمارکس ݙتے جو رجسٹرار سندھ ہائیکورٹ کوں حکم ݙٰیندوں جو اسلام آباد اچ بیان ریکارڈ کرݨ کیتے ویڈیو لنک دا انتظام کرن۔ عدالت ??ظمی رجسٹرار سندھ ہائیکورٹ اتے رجسٹرار اسلام آباد ہائیکورٹ توں ویڈیو لنک سہولت متعلق جو??ب جمع کراوݨ دا حکم ݙیندے ہوئیں کیس دی سماعت ھک مہینے کیتے ملتوی کرݙتی ۔سپریم کورٹ ایڈیشنل ایڈوکیٹ جنرل بلوچستان کوں ذاتی طور تے نایاب عمرانی دے مالی معاملات حل کرݨ دا حکم وی ݙتے ۔
سپریم کورٹ نایاب عمرانی ازخود نوٹس کیس دی سماعت ھک مہینے کیتے ملتوی کرݙتی
مضمون کا ماخذ : آن لائن لاٹری کے انعامات
متعلقہ مضامین
