اسلام آباد۔13اګست (اے پی پی)د قامي اسمبلۍ سپيكر سردار اياز صادق د پاكستان آزادۍ د 77مې ورځې په موقع پاكستاني اولس او هېواد څخه بهر پاكستانو وګړو له مباركي وركولو سره وئيلي دي آزادي يو لوي نعمت دے او دا د پاك پروردګار خصوصي كرم دے چې هغه مونږ له دا عظيم نعمت راكړے۔ د آزادۍ ورځې په موقع په خپل پېغام كښې ده د بابائے قوم قائداعظم محمد علي جناح٬ مفكر پاكستان علامه محمد اقبال او د پاكستان په جوړولو كښې د برخه اغستونكو نورو لارښودو او مشرانو قربانو او ستړو ته د عقيدت پېرزوئنې وړاندې كولو سره ووئيل د دغه هستو د نه ستړې كېدونكو هلو ځلو په بركت مونږ دا هېواد ترلاسه كړو۔ ده ووئيل د دې ستر نعمت بايد قدر وكړؤ۔ ده ووئيل د پاكستان د جوړولو مقصد په اسلامي اقدارو او روياتو اډانه يوه داسې ټولنه جوړول وو چرته چې هر وګړے له كوم رنګ او نسل پرته د انصاف ٬ پرمختګ ٬ زده كړو ٬ روزګار او درملنو يو برابر موقعې ولري٬ چرته چې ځان او مال محفوظ وي او د خپل رسم او رواج له مخې ژوند وكړے شي۔ سپيكر ووئيل په تېرو 77 كلونو كښې د چېلنجونو باوجود مونږ د پرمختګ پراؤنه ترسره كړي بياهم مونږ له به منزل مقصود ته رسېدو له لا خواري او ستړې كول وي۔ ده ووئيل پاكستان او حكومت ته د پېښو مسئلو حل كولو هڅې كوؤ۔ ده ووئيل د پاكستاني اولس خېر ښېګړې له ضروري ده چې مونږ سياسي تړون يو اړخ ته كولو او خپله منځي اختلافات هېرولو سره د پرمختګ او سوكالۍ په سفر كښې خپل كردار ترسره كړؤ۔ ده ووئيل نن به د دې لوظ پخلے كول وي چې د پاكستاني په حېث به د هېواد پرمختګ او سوكالۍ لپاره د 14 اګست 1947 جذبه راتازه كولو سره د كومې قربانۍ څخه مخ نه اړوؤ۔ ده ووئيل د پاك پروردګار په فضل به پاكستان تر قيامته قائم وي او ډېر زر به د نړۍ په پرمختګ كړو هېوادونو كښې شامل شي۔ سپيكر ووئيل په دې موقع مونږ خپل فلسطيني او كشميري ورونړه نه دي هېر كړي كوم چې له څو لسيزو څخه د آزادۍ نعمت لپاره هڅې كوي۔ د كشمير او فلسطين مسئلې په اړه د پاكستان اصولي موقف تكرارولو كښې ده ووئيل پاكستان به په ټولو سيمه ايزو او نړيوالو فورمونو د خپلواكۍ حق ترلاسه كولو له د فلسطيني او كشميري اولس د ستړو سفارتي ٬ اخلاقي او سياسي ملاتړ روان ساتي۔
پارليمان او حكومت ته په پيښو معاشي ٬ سماجي او سياسي چېلنجونو قابو موندلو له هڅې كوؤ: د قامي اسمبلۍ سپيكر سردار اياز صادق د آزادۍ ورځې په موقع پيغام
مضمون کا ماخذ : کلیوپیٹرا
متعلقہ مضامین
