اسلام آباد 04 اكتوبر (اے پي پي) د اطلاعاتو او خپرونو وزير مملكت فرخ حبيب وئيلي دي چې د وزيراعظم عمران خان خوب د رياست مدينه په طرز فلاحي نظام، معاشي پرمختګ او خوشحال اولس دے، كامياب پاكستان پروګرام محدود وسيلې لرونكې37 لكه كورنۍ د 1400 اربه روپو په مرسته په خپلو پښو ودرولو لپاره پېل كړے شوے، دې سره به د غربت په خاتمه او د محروم طبقو په بااختياره كولو كښې مرسته وشي. د ګل په ورځ په ټويټر په خپل يو ټويټ كښې وزير مملكت فرخ حبيب ووئيل چې د كامياب كسان د لارې به كروندګرو ته د سود نه بغېر قرض وركولې شي. د كامياب كاروبار پروګرام له مخې به كاروبار لپاره د سود نه بغېر 5 لكه روپې وركولې شي. د ارزان كور سكيم له مخې خپل كور جوړولو لپاره په اسانو قسطونو د فنانسنګ اسانيې وركولې شي. فني تعليم او د صحت انصاف كارډ هم د كامياب پاكستان پروګرام برخه دي.
مضمون کا ماخذ : بونانزا
