اسلام آباد۔29ستمبر(اے پی پی) وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے وزیراعلیٰ خیبر پختونخوا علی ا??ین گنڈاپور دا گولی چلاوݨ تے لاشاں ڈھاوݨ دا بیان انہاں دی ناکامی دا اعتراف اے جو او خیبر پختونخوا حکومت چلاوݨ دے قابل کائنی، اسلام آباد اتے پنجاب تے لشکر کشی دی تڑی 9 مئی دوہراوݨ دا اعلان اے ۔ وزیراعلیٰ خیبر پختونخو?? دے گولی چلاوݨ دے بیان تے ولدا ݙیندے وفاقی وزیر اطلاعات آکھیے وزیراعلیٰ خیبرپختونخوا ڳالھیں مندیں توں ہݨ گولی تے آڳئن ایں توں او آپݨا ضیان کریسن ، کہیں ٻئے دا کائناں ۔ پی ٹی آئی دی صوبائی حکومت دا کوئی بیان، کوئی ا??دام اتے کوئی رویہ جمہوری، سیاسی اتے پارلیمانی کائنی۔ انہاں کݙاہیں نی ??کھیا جو اساں تعلیم، صحت، روزگار، معاشی بہتری دے میدان اچ مقابلہ کریسوں ۔ وفاقی وزیر آکھیے انقلاب گھن آوݨا اے تاں صحت، تعلیم اتے عوام دی فلاح بہبود دے منصوبیں دا انقلاب گھن آؤ ، کے پی اچ کرپشن اتے نا اہلی دی ا??تہا تھی چکی اے ، اصل مقابلہ اے ہئی جو وفاق تے پنجاب وانڳوں بجلی دے صارفین کوں خیبرپختونخوا حکومت آپݨے صوبے اچ کوئی ریلیف ݙیندی، اصل مقابلہ اے ہئی جو ہسپتال، درس گاہواں دی تعمیر نال عوام دی خدمت دا کوئی ریکارڈ بݨیندے۔ انھاں آکھیے صدر شی جن پنگ دے دورے کوں دھرنیں نال ناکام بݨاوݨ آلے ہݨ ایس سی ا?? دے اجلاس دے موقع تے ول فساد کرݨ چاہندن ۔ عطاءاللہ تارڑ آکھیے پاکستان کوں ڈیفالٹ دے کنارے پڄاوݨ آلی پی ٹی آئی کوں تکلیف اے جو پاکستان معاشی بحالی دے رستےتے کیوں چل پئے ، عوام کوں تکھی مہانگ دی تکلیف ݙیوݨ آلیں کوں تکلیف اے جو مہانگ 32 فیصد توں 9.6 فیصد تے کیوں آڳئی اے۔ انھاں آکھیے ڳالھیں مندے ، گولی اتے بندوق نال مہانگ گھٹ نہ تھیسی نہ بے روزگاری ، 11 سال توں خیبرپختونخوا پی ٹی آئی دی لُٹ مار دا اݙہ بݨیا ہویا اے، انھاں آکھیے وزیراعظم شہبازشریف فلسطینی ??وام دی حمایت کیتی تے اسرائیل کوں للکاریے، پاکستان اچ اسرائیلی ایجنٹیں کوں ایندی تکلیف ت??ی ڳئی اے
.jpg)
