اسلام آباد۔2ف??وری (اے پی پی):وزیر اعظم دے معاون خصوصی صحت ڈاکٹر فیصل س??طا?? آکھیے جو پاکستان اڄ ٻدہ توں آپݨی پہلی کووڈ۔19 ویکسی نیشن مہم شروع کریسی جیں اچ فرنٹ لا??ن ہیلتھ ورکرز کوں ترجیح ݙتی ویسی ۔اپݨے ہک انٹرویو اچ ڈاکٹر فیصل آکھیے جو فرنٹ لا??ن ہیلتھ ورکرز دے بعد اے ویکسین انھاں بزرگ لوکاں کوں ݙتی ویسی جنہاں دی عمرا 60 سال توں ودھ اے ۔ انہاں آکھیے جو کووڈ۔19 دی ویکسی نیشن رضاکارانہ ہوسی اتے اساں کہیں کوں وی ویکسین دی خوراک گھنݨ تے مجبور نہ کریسون ۔ انہاں آکھیے جو کورونا ویکسین سارے سرکاری اسپتالاں اچ بلا معاوضہ دستیاب ہوسی جݙاں جو فرنٹ لائن میڈیکل ورکرز اتے بزرگ شہریاں کیتے ٹیکے لاوݨ کیتے ویکسین دا ہنگامی استعمال شروع کیتا ڳئے ۔ انہاں آکھیے جو گزریل ݙینھ چین توں سینوفرم ویکسین دی پہلی کھیپ ملک اچ پج ڳی اے ۔فیصل س??طا?? مزید آکھیے جو ایسٹرا زینکا ویکسین دی 17 ملین اتے کووایکس ویکسین دیاں چھی ملین خوراکاں مارچ دے چھیکڑ تیئن پاکستان پڄ ویسن ۔ ہک سوال دے جواب اچ انہاں آکھیے جو حکومت 220 ملین لوکاں کیتے کووڈ 19 دی ویکسین ملھ گھنݨ کیتے 150 ملین ڈالردے ابتدائی فنڈز رکھئن۔
