ماضی اچ صحت دے شعبے کوں نظرانداز کیتا گئے ،ہنڑ سہولتاں ڈیونڑ سانگے سارے وسائل لیندے پئیوں،چین توں طبی آلات امدے پئن، وزیر اعظم دی کنٹونمنٹ جنرل ہسپتال راولپنڈی دے افتتاح دے موقع تے گالھ مہاڑ
اسلام آباد ۔ یکم اپریل (اے پی پی) وزیراعظم عمران خان کورونا وائرس دے خلاف جنگ کرنڑ آلے ڈاکٹراں کوں خراج تحسین پیش کریندیں ہوئیں آکھی?? جو حکومت ا??ے پوری قوم انہاں دے رلے کھڑی اے اتے انہاں دی حفاظت یقینی بنڑاونڑ سانگے ہر ممکن اقدامات کریسوں۔پاکستان اچ اے وباءڈوجھے ملکاں دے مقابلے اچ گھٹ کھنڈی اے اتے اموات دی شرح وی بہوں گھٹ اے،ماضی اچ صحت دے شعبے کوں نظرانداز کیتا گئے ،ہنڑ سہولتاں ڈیونڑ سانگے سارے وسائل لیندے پئیوں،چین توں طبی آلات امدے پئن۔اے گالھیں انہاں بدھ کوں کنٹونمنٹ جنرل ہسپتال راولپنڈی دے افتتاح دے موقع تے گالھ مہاڑکریندیں ہوئیں آکھی۔ایں موقع تے وفاقی وزیر برائے ریلوے شیخ رشید احمد ‘مرکزی سی??رٹری جنرل پاکستان تحریک انصاف عامر محمود کیانی سمیت بئے اعلیٰ حکام وی موجود ہن۔وزیراعظم آکھی?? جو 15جنوری توں ساکوں اندازہ تھی?? جو چین اچ کوروناوائرس کھنڈداویندے اتے اے پاکستان وی امسی،اوں ویلھے توں اساں ایندی تیاری کریندے پئے ہاسے۔اساکوں اے احساس ہئی جو ایں وباءاچ ڈاکٹر اتے طبی عملہ فرنٹ لائن دا کردار اے،اساکوں انہاں کوں محفوظ بنڑاونڑ دی لوڑھ اے۔انہاں آکھی?? جو بدقسمتی نال پوری دنیا اچ کوروناوائرس پاروں طبی آلات اتے وینٹی لیٹرز دی منگ ودھ گئی اے،اساڈی خوش قسمتی اے جو چین اساڈی مدد کیتی اے،چین دی حکومت پاکستان کوں ترجیح ڈتی اے اتے اج وی جیڑھے طبی آلات پاکستان امدے پئن او چین توں امدے پئن۔ایں موقع تے وزیراعظم کوں ہسپتال انتظامیہ ولوں دستیاب سہولتاں بارے بریفنگ ڈتی گئی۔
کورونا وائرس دے خلاف جنگ کرنڑ آلے ڈاکٹراں کوں خراج تحسین پیش کریندوں انہاں دی حفاظت یقینی بنڑاونڑ سانگے ہر ممکن اقدامات کریسوں،وزیراعظم عمران خان
مضمون کا ماخذ : loteria de Minas Gerais
متعلقہ مضامین
.jpg)
