اسلام آباد 17 اکتوبر(اے پي پي) د اطلاعاتو او خپرونو وفاقي وزير چوهدري فواد حسېن وئيلي دي چې اپوزيشن دې په غېر ضروري معاملو د شور كولو په ځائ د انتخابي اصلاحاتو پشمول مهمو قومي معاملو ته پام وكړي، حكومت په هېواد كښې داسې انتخابي اصلاحاتو غواړي چې د هغو نه پس د ټاكنو نتيجې ټولو ډلو ته د منلو وړ وي، د نېب آرډيننس په اړه اپوزيشن سره رابطه كولې شي، كه اپوزيشن په دې آرډيننس كښې كوم ترميم وړاندې كول غواړي، نو هغه دې راوړي، په كومو بدلونونو چې حكومت او اپوزيشن اتفاق وكړو، هغه به په بل كښې شاملولې شي. ده دا خبرې د اتوار په ورځ د پنجاب وزيراعلٰی پخواني سلاكار، سياسي و سماجي شخصيت محمد اكرم چوهدري لخوا د ده په درنښت كښې د جوړې شوې دستورې په مهال سينئر خبريالانو او كالم ليكونكو سره په خپلو خبرو كښې وكړې. په دې موقع د پنجاب وزيراعلٰی د اطلاعاتو سلاكار حسان خاور هم موجود و. چوهدري فواد حسېن ووئيل چې حكومت د صحت كارډ پشمول درې لوي پروګرامونه پېل كوي د كومو څخه به چې اولس نېغ په نېغه استفاده وكړي. ده ووئيل چې په پنجاب كښې به هره يوه كورنۍ صحت كارډ ولري د كوم په نتيجه كښې به چې هره يوه كورنۍ تر اوه نيم لكه روپې خپل علاج وكړې شي. وفاقي وزير د سي پېك پروژو په اړه منفي پروپېګنډه رد كولو سره ووئيل چې د سي پېك پروژه په كاميابې سره روانه ده. وفاقي وزير چوهدري فواد حسېن ووئيل چې په راتلونكو ټاكنو كښې د تحريك انصاف نه علاوه بل داسې كوم سياسي ګوند نشته چې د 800 نه تر 900 چوكو باندې خپل كانديدان ودروي. د افغانستان د صورتحال ذكر كولو سره د اطلاعاتو وفاقي وزير ووئيل چې حكومت تل قوي او مستحكم افغانستان لپاره خپل كردار ترسره كړے. په دې وخت كښې هم زمونږ هڅه ده په افغانستان كښې استحكام راشي او هلته د نويو خلقو ګډون سره پراخا حكومت جوړ شي، مونږ نړيوالو قوتونو ته هم وايو چې دوي دې د افغانستان صورتحال په نظر كښې ساتلو سره خپل مثبت كردار ترسره كړي. د اطلاعاتو وفاقي وزير ووئيل چې په افغانستان كښې عدم استحكام په ټوله منطقه منفي آغېز كولې شي.
اپوزيشن دې په غېر ضروري معاملو د شور كولو په ځائ د انتخابي اصلاحاتو پشمول مهمو قومي معاملو ته پام وكړي. د اطلاعاتو او خپرونو وفاقي وزير چوهدري فواد حسېن د محمد اكرم چوهدري لخوا د درنښت په جوړه شوې دستوره كښې سينئر خبريالانو او كالم ليكونكو سره خبرې
مضمون کا ماخذ : میگا مولا۔
متعلقہ مضامین
