اسلام آباد 12 اکتوبر(اے پی پی) د وزيراعظم د سياسي ابلاغ خاص مرستيال ډاكټر شهباز ګل وئيلي دي وزيراعظم عمران خان د 22 كاله لويو هلو ځلو نه پس د كروړونو پاكستانيانو په ملاتړ اقتدار ته راغلے، د كوم يو كس په وجه په پنجاب يا وفاق كښې د حكومت جوړېدو خبره سمه نه ده، پي ټي آئي اوسني مقام ته د رسولو ټول كرېډټ وزيراعظم عمران خان لري، په سياسي ګوندونو كښې ټول خلق په ګډه ګوند لپاره هڅې كوي. د نهې په ورځ د جهانګير ترين د بيان نه پس نجي ټي وي چېنل سره په خبرو كښې ده ووئيل په سياسي ګوندونو كښې د ګوند مشرتابه او په ګوند كښې د شاملو ټولو خلقو د ملاتړ نه بغير كوم يو كس يوازې كار نه شي كولے. په كوم هم سياسي ګوند كښې ټول خلق په ګډه ګوند لپاره هڅې كوي. ده ووئېل وزيراعظم عمران خان يو تحريك پېل كړے ؤ كوم چې د وخت تېرېدو سره يو كاروان جوړ شو او ټولو خلقو خپل خپل كردار ترسره كړو او د دې په وجه تحريك انصاف اقتدار ته ورسېد. ډاكټر شهباز ګل ووئيل په دې خبره كښې هېڅ شك نشته چې جهانګير ترين تحريك انصاف لپاره لوي خدمات لري خو كه چرته د وزيراعظم عمران خان هلې ځلې نه وې نو يو كس هم يوازې تحريك انصاف دې مقام ته نه شو رسولے. دا وئيل چې په د كوم يو كس په وجه د پنجاب يا وفاق حكومت جوړ شوے، سمه نه ده. كه كوم فرد واحد دے نو هغه يوازې وزيراعظم عمران خان دے. د يوې پوښتنې په ځواب كښې ده ووئيل زما په نظر كښې په ګوند كښې دننه د جهانګير ترين په ضد كوم سازش نه دے شوے
د كوم يو كس په وجه پنجاب يا وفاق كښې د حكومت جوړېدو خبره سمه نه ده، پي ټي آئي اوسني مقام ته د رسولو ټول كرېډټ وزيراعظم عمران خان لري. د سياسي ابلاغ خاص مرستيال ډاكټر شهباز ګل
مضمون کا ماخذ : کلیوپیٹرا
متعلقہ مضامین
