ڈیرہ اسماعیل خان ۔ 17 مئی (اے پی پی) وزیراعظم محمد نواز شریف آکھیا ہے جو اساڈے مخالفین دے نصیب اچ دھرنے ہن ،او دھرنے ڈیندے رہسن جڈاں جو اساں ملکی ترقی دا سفر جاری رکھیسوں تبدیلی دے دعوے کرنڑ آلے نواں خیبر پختونخوا نی بنڑا سگیے او نواں پاکستان کیابنڑیسن ،2018تئیں لوڈشیڈنگ مک ویسی۔ وزیراعظم زرعی یونیورسٹی دے قیام، 50کروڑ روپے دے ترقیاتی فنڈز، چشمہ رائٹ بینک کینال من??وبے سانگے 120ارب روپے دے علاوہ ٹانک زام ڈیم دی فزیبلٹی سٹڈی سانگے 8کروڑ روپے دا اعلان کیتا ۔ڈیرہ اسماعیل خان ائرپورٹ توں اے ٹی آر جہازاں دی مقامی اتے بین الاقوامی پروازاںسانگے سول ایوی ایشن کوںکم شروع کر نڑ دی ہدایت کیتی ۔ او ڈیرہ اسماعیل خان اچ گیس دی فراہمی دے من??وبے دامنڈھ بدھنڑ دے بعد عوامی کٹھ نال خطاب کریندے پے ہن ۔ایں موقع تے گورنر خیبرپختونخوا اقبال ظفر جھگڑا، جے یو آئی (ف) دے امیر مولانا فضل الرحمن، وفاقی وزیر ہاﺅسنگ اکرم خان درانی اتے اعلیٰ حکام دے علاوہ پاکستان مسلم لیگ (ن) اتے جے یو آئی (ف) دے کارکناں دی وڈی تعداد موجود ہئی۔ وزیراعظم آکھیا جو انہاں دا دل چاہندے جو ڈیرہ اسماعیل خان ونجن اتے اتھاں دے لوکاں سانگے کجھ کر تے آون ،اج او زبانی اعلان کرنڑ سانگے نی بلکہ عملی کم کرنڑ سانگے اتھاں آئے ہن ۔وزیرا عظم ڈیرہ اسماعیل خان اچ گیس دی فراہمی دے من??وبے دا منڈھ بدھ ڈتے جی?? نال علاقے دے لکھاں عوام کوں فائدہ تھیسی ۔اقتصادی راہداری وی ڈیرہ اسماعیل خان توں گزردی پی ہے بہوں وختی ریلوے لائن وی اتھوں گزر سی۔ ہکلہ توں ڈیرہ اسماعیل خان اتے ولاں ڈیرہ توں ژوب تئیں موٹر وے ویسی ایندے تے ارباں روہپے خر?? تھیسن اے من??وبے ملک دی تقدیر بدلنڑ دے من??وبے ہن ۔وزیراعظم آکھیا جو انہاں دے مخالفاں بنوں دے جلسے اچ انہاں ترائے سوال کیتے ہن جنہاں د ا انہاں کوں نفی اچ جواب ملیا ۔انہاں آکھیا جو اتھاں اپنڑے مخالفاں دی گالھ کرنڑ نی آیا۔انہاں آکھیا جو پشاور دے اجوکے ضمنی الیکشن اچ او ہر گے ہن ،پی ٹی آئی چوتھے نمبر تے آئی ہے ۔انہاں آکھیا جو مسلم لیگ (ن) لاہور ملتان اتے راولپنڈی اچ میٹرو بس سروس شروع کیتی اتے او پشاور جیہے وڈے شہر اچ وی ایجھا من??وبہ نی بنڑا سگےے،پشاور دے لوک وی جانڑ گئن جو اے کوئی نواں پاکستان کائنی بنڑےندے پ??ن ،2018ءدے انتخابات اچ کے پی کے انہاں ڈے کائنا رہسی۔وزیر اعظم آکھیا جو او خود مولانا فضل الرحمن اتے انہاں دی جماعت دے شکر گزار ہن جنہاں اصولاں تے انہاں دا ساتھ ڈتے۔انشاءاللہ جت اساڈی ہو??ی اتے اساں سرخرو تھیسوں۔انہاں آکھیا جو اج اساں ہک نویں پارٹنر شپ بنڑدی پئی اے جی??ھی جو پاکستان دی ترقی اتے خوشحالی سانگے کم کریسی اتے اے پ??رٹنر شپ دیر پا ہو??ی۔مسلم لیگ (ن) اتے جمعیت علمائے اسلام رل تے نواں پاکستان بنڑیسن۔وزیر اعظم ایں موقع تے ڈی آئی خان اچ زرعی یونیورسٹی بنڑاونڑ اتے پنجاہ کروڑ روپے دے ترقیاتی فنڈز دا اعلان کیتا۔انہاں آکھیا جو ڈی آئی خان اچ انٹرنیشنل ایئرپورٹ بنڑنڑ دا انتظار کائنا کیتا ویسی ایں بارے سول ایوی ایشن اتھارٹی اتے پی آئی اے کوں ہداےت کرینداں جو او ڈی آئی خان ایئرپورٹ توں اے ٹی آر طیاریاں دی مقامی اتے بین الاقوامی پروازاں شروع کرنڑ دا انتظام کرن تانجو علاقے دے لوکاں کوں فضائی سہولتاں مل سگن ۔وزیر اعظم ڈیرہ اسماعیل خان اچ گیس ڈیونڑ دے من??وبیاں سانگے 77کروڑ روپے ڈیونڑ دا اعلان وی کیتا۔انہاں چشمہ رائٹ بینک کینال من??وبہ سانگے 120ارب روپے دا اعلان کریندیں ہو??یں آکھیا جو اے بہوں اہمےت رکھیدنے ،ایں من??وبے دی لاگت دا65فیصد وفاقی حکومت اتے 35فیصد صوبائی حکومت ڈیسی۔انہاں ٹانک زام ڈیم دی فزیبیلٹی سٹڈی سانگے 8کروڑ روپے مختص کرنڑ دا اعلان کیتا اتے آکھیا جو ڈی آئی خان کوں سیلاب توں بچاونڑ سانگے حفاظتی بند دی فزیبیلٹی سٹڈی تے وی کم شروع کیتا ویسی۔وزیر اعظم آکھیا جو علاقے اچ سڑکاں بنڑاونڑ اتے گیس ڈیونڑ دے نال نال بجلی وی ڈتی ویسی اتے 2018ءتئیں لوڈشیڈنگ مک ویسی۔
وزیر اعظم نواز شریف دا ڈیرہ اسماعیل خان اچ گیس دی فراہمی دے منصوبے دا منڈھ بدھنڑ دی تقریب دے موقع تے عوام کٹھ توں خطاب
مضمون کا ماخذ : کمپیوٹر لاٹری کا ٹکٹ
متعلقہ مضامین
