سبي 08 مارچ (اے پي پي) صدر ډاکټر عارف علوي وئيلي دي د هېواد د ځوانانو روښانه سباٶن لپاره جديد تعليم او د هنر وركوول پروګرام ډېر مهم حېثيت لري٬ د نړۍ په پراخه ماركيټ كښې هنر مندو ځوانانو ته لويه اړتيا ده٬ د وخت ضرورتونه تر نظره ساتونكې قامونه عمر له كامياب وي٬ زمونږ هېواد ته په تندۍ سره ترقي كولو ته اړتيا ده ۔ د دې خيالاتو څرګندونه ده د نهې په ورځ د سبي ميلې د پائې دستورې ته خپلې وېنا كښې وكړه ۔ صدر ووئيل په تندۍ سره بدلېدونكې نړۍ كښې فاصلې رالنډې شوي چې ورله د بلوچستان د هرې كورنۍ ځوانانو له د هنر تعليم ترلاسه كول پكار دي، نړۍ د پاکستانو ځوانانو د حقيقي صلاحيتونو څخه استفادې لپاره سترګې په لار ده٬ ده ووئېل د بلوچستان ځوانانو له په کوئټه او خضدار كښې د هنر بهترۍ سهولتونو څخه استفاده پكار ده ۔ ده ووئيل حكومت د هېواد په سمه او غر كښې سهولتونه وركولو لپاره هر ډول ممكنه اقدامات كوي۔ ده د دې عزم څرګندونه وكړه چې ډيجيټل سكلز پروګرام به ډېر زر د صوبې په ټولو سيمو كښې پېل كړے شي،د کامياب جوان او د کامياب پاکستان پروګرامونو د لارې بېنك د سود نه غېر پور وركوي، ځوانانو ته په بېلا بېلو طريقو موقعې وركړې كېږي۔ ده ووئيل بلوچستان كښې 700 ځوانانو ته په ګوادر كښې د هنر تربيه وركړې شوې دغسې چې دوي ته ملازمت ترلاسه شي، په تېرو دوو كالو كښې د ګرد هېواد د لرو پرتو سيمو 22 لكه ځوانانو د هنر تربيه ترلاسه كړې۔ په صوبه كښې د ترهګرۍ په پېِښو كښې په قېمتي ځاني زيان د افسوس څرګندونې سره صدر مملکت د وسله والو ځواكونو او قام د مړانې او عزم ستائنه وكړه ۔ ده ووئيل د پاكستانے قام د څو لسيزو راهسې د افغان كډوالو كوربتوب كړے كوم چې د دې قام د عظمت عكاسي كوي۔ صدر مملکت ووئيل پاكستان په ملګرو ملتونو د كشمير كشالې په هواري زور رواړے۔ صدر د دې عزم پخلے وكړو چې پاکستان د يو خپلواكه هېواد په حېث ټولو هېوادونو سره د دوستۍ اړيكو له خوښي لري، نړيوال اصول په مساوات آډانه پكار دي، ده ووئېل حضرت محمدۖ دا اصول بيان كړي چې ټول انسانان يو برابر دي۔ ده ووئيل د غربت خاتمې او د صحت سهولتونه وركولو پلو لا پام كولو ته اړتيا ده ۔ صدر ډاكټر عارف علوي ووئيل د احساس پروګرام له مخئ حكومت انجونو ته د سكالرشپس پشمول د خوراك پېكج او مالي مرسته وركوي، لوك هنرمندانې بايد د ژوند په بېلا بېلو څانګو كښې د غوره كاركردګۍ لپاره د ترلاسه موقعو څخه ګټه پورته كړي۔ صدر د بلوچستان د ساحلي سيمو حواله وركولو سره ووئيل وېت نام د پاكستان په مقابل كښې كوچنے هېواد ٶ٬ د ھغوي د سي فوډ برآمدات په كال 2000 كښې 200 مېليونه ډالره وٶ كوم چې اوس لس اربه ډالرو ته رسېدلي او د پاكستان برآمدات د 400 نه 500 ډالره دي۔ په دې مهال دستوره كښې د بلوچستان ګورنر سيد ظهور احمد آغا، صوبائي وزيرانو او نور په لويه شمېره ګډون وكړو
روښانه سباٶن لپاره جديد تعليم او د هنر وركولو پروګرام ډېر مهم حېثيت لري۔ د صدر ډاکټر عارف علوي د سبي ميلې دستورې ته وېنا
مضمون کا ماخذ : ٹکٹ خریدنے کے حوالے سے الفاظ
متعلقہ مضامین
