لاهور۔13مارچ (اے پی پی) د وزيراعظم د سياسي ابلاغ خصوصي مرستيال ډاكټر شهباز ګل وئيلي دي چې د وزيراعظم عمران خان کابينه د مسلم ليګ نون کابينې نه په کارکردګۍ کښې ښه او له کرپشن نه پاکه ده، اپوزيشن د غړو اخستلو لپاره په کروړونو روپۍ لګوي٬ د وزيراعظم عمران خان په ضد د بې باورۍ په لړ كښې به زمونږ اتحاديان خپله پرېكړه پخپله كوي، زمونږ د ګوند كوم غړي كه ضمير خرڅ كړو نو هغه به د ووټ كارولو نه وړاندې نااهل ګرځوو٬ اپوزيشن به په راروانو څلور ورځو كښې خپل كوم غړې پټولو سره ډرامه بازي كوي، علیم خان مونږ سره دې ٬ د وزيراعظم عمران خان په ضد به نه اودرېږي۔ د دې خيالاتو څرګندونه ده د اتوار په ورځ په پرېس انفارمېشن ډيپارټمنټ كښې خبري كنفرنس ته خپله وېنا كښې وكړه۔ ډاكټر شهباز ګل د وزيراعظم عمران خان او د نواز شريف د دور كابينې موازنه كولو سره ووئيل اوسنۍ كابينه هر لحاظ سره د كرپشن نه پاكه او په كاركردګۍ كښې د نواز شريف د كابينې نه ښه ده ٬ (ن) لیګ د ميډيا په مرسته دا پراپېګنډا وكړه چې د عمران خان ډله ښه نه ده۔ ده ووئيل اپوزيشن چې كله دا وكتل چې هغوي د عمران خان مقابله كولې نه شي نو هغوي په كابينه بريدونه پېل كړل۔ ده ووئيل نن سبا په پاكستان كښې د اخستلو خرڅولو بازار ګرم دے ٬ اپوزيشن د غړو اخستلو لپاره په کروړونو روپۍ لګوي۔ ده ووئيل اتحاديان مونږ سره رابطه كښې دي او كه د پي ټي آئي د قومي اسمبلۍ كوم غړي خپل ضمير خرڅ كړو نو هغه به د ووټ كارولو نه وړاندې نااهل ګرځولې شي٬ د هغه په ضد به د هغه په ښار كښې پوسټر لګوؤ او په هره كچه به د هغه محاسبه كوؤ۔ د عليم خان په اړه د يوې پوښتنې په ځواب كښې ده ووئيل هغه زمونږ ورور دې او هغه به د وزيراعظم په ضد نه اودرېږي۔
د وزيراعظم عمران خان کابينه د مسلم ليګ نون کابينې نه په کارکردګۍ کښې ښه او له کرپشن نه پاکه ده، اپوزيشن د غړو اخستلو لپاره په کروړونو روپۍ لګوي ٬ ډاكټر شهباز ګل
مضمون کا ماخذ : اسکریچ کارڈ کی پیش گوئی
متعلقہ مضامین
