اسلام آباد ۔ 23 نومبر (اے پی پی) وفاقی وزیر اطلاعات و نشریات چوہدری فواد حسین آکھیے جو کراچی ??چ چن دے قونصلیٹ تے دہشت گرداں دا حملہ ہک بزدلانہ کاروائی اے جیں کوں سیکورٹی اداریں جوان مردی نال ناکام بنڑائے ،ایجھے بزدلانہ حملیں نال پاک چین تعلقات متاثر کائناں تھیسن، ح??لے دے پیچھوں سارے ملوث عناصر کوں بے نقاب کیتا ویسی ، مستقبل اچ ایجھے واقعات روکنڑ سانگے مزید اقدامات کیتے ویسن ۔ جمعے کوں پارلیمنٹ ہاﺅس دے باہروں میڈیا نال گال مہاڑ کریندے ہوئیں وفاقی وزیر آکھیا جو کراچی چینی قونصلیٹ تے ترائے دہشت گرداں حملہ ??یتا ۔سیکورٹی اداریں دہشت گردی دے ح??لے کوں ناکام بنڑیندے ہوئیں انہاں کوں ہلاک کر ڈتے جڈاں جو ایں واقعے اچ ڈو پولیس اہلکار جام شہادت نوش کیتا ۔ پولیس، رینجرز سمیت سارے سکیورٹی اداریں بہادری نال ایں ح??لے کوں ناکام بنڑایا ۔انہاں آکھیا جمعے دے ڈینھ چینی قونصلیٹ اچ ویزے سانگے آونڑ آلے لوکاں دی تعداد بہوں زیادہ ہوندی اے ۔انہاں آکھیا پاکستان کوں گزریل کئی سالاں توں دہشت گردی دا سامنڑاں اے ۔جیویں افواج پاکستان، ریجنرز ، پولیس اتے خفیہ ادارے رل تے بہادری اتے جوانمبردی نال ایندا مقابلہ ??ریندے پن دنیا اچ ایندی کوئی مثال کائنی ملدی۔ انہاں آکھیا اج دا حملہ ??ین تے پاکستان تے حملہ اے ۔انہاں آکھیا وزیر اعظم عمران خان دورہ چین دے دوران ڈوہن ملکاں وچال معیشت تے سٹریٹیجک تعلقات سمیت بہوں سارے معاہدیں تے دستخط کیتن ۔اتے ڈوہیں ملکاں وچال پکے تعلقات کئی ملکاں کوں نئی بھاندے ۔ انہاں آکھیاوزیراعظم عمران خان اپنڑے بیان اچ آکھیے جو ساز?? دی تہہ تئیں پجیا ویسی تے سازش دے پچھوں ساریاں قوتاں کوںبے نقاب کیتا ویسی ۔انہاں آکھیا ادارے چوکس ہن ایں سانگے حملہ ناکام بنڑایا گے تے چینی قونصلیٹ دے 21افسراں کوں محفوظ جاہ تے منتقل کر ڈتا گے ۔
کراچی اچ چین دے قونصلیٹ تے دہشت گرداں داحملہ بزدلانہ کارروائی اے، سارے ملوث عناصر کوں بے نقاب کیتا ویسی ، وفاقی وزیر اطلاعات و نشریات چوہدری فواد حسین
مضمون کا ماخذ : رومن دولت
متعلقہ مضامین
