لاهور۔19مئی(اے پی پی) د اطلاعاتو ٬ خپرونو ٬ قامي ورثې او كلتور وفاقي وزير عطا تارړ وئيلي دي چې يو سياسي ګوند د كرغزستان پیښې ته غلط رنګ وركوي ٬ په بشكيك كښې حالات معمول ته راغلي دي ٬ د مړو جعلي عكسونه خپرونكي دې پروردګار څخه ويريږي٬ په بشکیک كښې كوم پاكستانے زده كوؤنكے په حق رسېدلے نه دے٬ پېښې ته غلط رنګ وركړے شو د دې چې څومره هم غندنه وكړې شي كمه ده۔ د دې خيالاتو څرګندونه ده د اتوار په ورځ په ماډل ټاؤن كښې نائب وزيراعظم او خارجه وزير اسحاق ډار او د كشمير او ګلګت بلتستان چارو وفاقي وزير انجينئر امير مقام سره په ګډه خبري كنفرنس ته خپل خطاب كښې وكړه۔ د اطلاعاتو وفاقي وزير ووئيل په بشكيك كښې د زده كوؤنكو دوه ګروپونو ترمينځه د ټكر پېښه كښې پاكستاني زده كوؤنكي وځپلې شول۔ حال دا دې چې پاكستاني زده كوؤنكو د هغوي هدف نه وو۔ ده ووئيل كله چې دا پېښه رامخې ته شوه نو وزيراعظم آفس او خارجه دفتر دواړه متحرك شول او حكومت په وخت نوټس اخستلو سره خارجه وزارت كښې اېمرجنسي رسپانس سېل فعال كړو۔ ده ووئيل وزيراعظم او خارجه وزير تېرو دوه ورځو څخه ګھړۍ په ګھړۍ پرله پسې صورتحال مانيټر كوي٬ دا مهال د 6 پاكستاني زده كوؤنكو درملنې په درې بېلو روغتونونو كښې روانې دي۔ وفاقي وزير ووئيل د يو سياسي ګوند لخوا مخصوص پروپېګنډا وكړې شوه په كوم كښې چې د بنګلا دېش د يو زده كوؤنكي عكس لګولو سره هغه پاكستانے وښودلے شو۔ ده ووئيل تېره ورځ وزيراعظم په كرغزستان كښې پاكستاني سفير حسن علي ضېغم سره خبره وكړه په دې سفير وزيراعظم ته ووئيل چې كوم پاكستانے په دې پېښه كښې په حق نه دے رسېدلے او نه كومې زده كوؤنكې سره زور زياتې شوې دې٬ دې پېښې ته غلط رنګ وركړے شوے دے او مور پلار ته وئيلې شوي دي چې ستاسو لونړو سره زياتې شوې دې او ستاسو بچي مړه شوي دي۔ د دې چې څومره هم غندنه وكړې شي كمه ده۔ ده ووئيل سياسي پوائنټ سكورنګ كوؤنكي دې پاك پروردګار څخه ويرېږي۔وفاقی وزیر ووئيل د كرغزستان خارجه وزارت يو عكس شيئر كړے دے په كوم كښې چې د دواړو هېوادونو زده كوؤنكي يو بل سره ناست دي۔ عطا تارړ ووئيل د هر پاكستاني وګړي حفاظت د رياست اولنۍ ذمه واري ده۔ ده ووئيل په بشكيك كښې د مېشته پاكستاني زده كوؤنكو ډېټا ترتيب كړې شوې ده كوم زده كوؤنكے چې پاكستان ته راتلل غواړي نو هغه سره بشپړه مرسته كولې شي۔ ده ووئيل يو شمېر زده كوؤنكي بېرته راتلل نه غواړي دغسې چې د هغوي سبقونه زيانمن نه شي۔ ده ووئيل كه څوك بېرته راتلل غواړي نو خپل ځان دې رجسټرډ كړي۔ ده ووئيل كوم زده كوؤنكي چې خپلو كورنيو سره په بكشكيك كښې مقيم دي او بېرته راتلل غواړي د هغوي بېرته راتللو له خصوص انتظامات شوي دي او د هغوي هېواد ته د بېرته راتللو ټول مصاريف به حكومت ادا كوي۔ وفاقی وزیر ووئيل ما هم زده كوؤنكو سره تماس نيولے دے او زمونږ سفير دوئي سره پرله پسې رابطه ساتلې ده۔ ده ووئيل د حكومت ټوله مشينري دې معاملې ته جدي نظر سره ګوري۔
په بشكيك كښې حالات معمول ته راغلي دي ٬ يو سياسي ګوند د كرغزستان پیښې ته غلط رنګ وركوي ٬ د مړو جعلي عكسونه خپرونكي دې پروردګار څخه ويريږي ٬عطاﺀ تارړ
مضمون کا ماخذ : ڈاگ ہاؤس
متعلقہ مضامین
.jpg)
