اسلام آباد 03 اګست (اے پي پي)د منصوبه بندۍ٬پرمختګ ٬ اصلاحات او خاص اقدامات وفاقي وزير احسن اقبال وئېلي دي عمران خان د بهر نه پيسه اخستو سره پاكستان كښې اړے ګړے راجوړ كړے ٬د الېكشن كمېشن پريكړې څخه په سټاك ماركيټ كښې ښه والے راغلے او روپۍ مستحكمه شوې ۔د شورو په ورځ پرېس كنفرنس ته د وېنا كولو په مهال احسن اقبال ووئيل زمونږ حكومت خو د اپرېل په 12مه نېټه راغلے ؤ خو د اپرېل په وړومبۍ نېټه د پاكستان خزانه خالي شوې وه۔احسن اقبال ووئيل مونږ په سخت صورتحال كښې دننه دا هېواد سنبهال كړے٬عمران خان د پاكستان معيشت په بدترين حالت پرېښودے دے ۔ده ووئيل د پیټرول په بيعه كښې په يوه مياشت كښې 100 روپۍ زياتول د كوم سياسي حكومت لپاره آسان نه وي خو مونږ خپلې قامي ذمه واري ادا كولو سره د خپل سياسي مقبوليت په بيعه هغه پريكړه كړې كومه چې د پاكستان معيشت بچ كولو لپاره ضروري وه٬ ده ووئېل چا به چې خپلو مخالفو ته غل وئېلو هغه پخپله غل ختلے٬چا به چې نورو ته دروغجن وئېل هغه پخپله دروغن راختلے٬كوم به چې نورو ته امپورټډ حكومت وئېلو هغه په خپله بهر څخه فنډنګ كښې ككړ دے۔ده ووئيل چا چې سي پیك سبوتاژ كړے هغه د كشمير سودا كړی۔عمران خان د دښمن لابي څخه په پيسه اخستو د پاكستان ګټې ته زيان رسول٬د هندي وګړو څخه عمران خان فنډنګ اخستو۔ده ووئيل د وزيراعظم په مشرۍ كښې ټوله ډله په محنت سره هېواد د معاشي بحالۍ پلو روان بيائې٬مونږ د خپلو ځينو چوكو قرباني وركړې خو د 22 كروړه خلقو سباؤن مو بچ كړے ٬نن چې په هېواد كښې كومه ګراني ده هغه د عمران په وجه ده۔ده ووئيل عمران خان دې ځواب وركړي چې هغه آئي اېم اېف سره داسې لوظ نامې ولې كړی۔ده ووئيل عمران خان د خيرات پيسې د سياسي مقصد لپاره كارولي٬ده ووئيل په عمران خان ثابته شوه چې هغه د دروغو حلف نامې جمع كړي۔ده ووئيل د چورلكې په پیښه كښې شهيدو شوو پوځي افسرانو او ځوانانو ته د عقيدت پېرزوئنې وړاندې كوم٬زمونږ پوځ تل په سخت وخت كښې د اولس مرسته كړی۔ده ووئيل د تېرو څلورو كلونو په مهال ټولې منصوبې په التوا كښې ساتلې شوې٬اسلام آباد ميټرو بس په 4 كلونو كښې نه دے چلېدلے ٬د پي ټي آئي حكومت سره كومه اقتصادي منصوبه بندي نه وه٬د الېكشن كمېشن په پريكړه به ټولې كاروائۍ د آئين او قانون له مخې كېږي٬ ده ووئېل مونږ به كومه انتقامي كاروائي نه كوو٬ټاكنې به په خپل ټاكلې وخت كېږي۔ده ووئيل عمران خان د پاكستان آئين او قانون خلاف ورزي كړې
د الېكشن كمېشن پريكړې څخه په سټاك ماركيټ كښې ښه والے راغلے٬روپۍ مستحكمه شوې۔ د احسن اقبال پرېس كنفرنس
مضمون کا ماخذ : لاٹری کا ٹکٹ کیسے خریدیں
متعلقہ مضامین
