اسلام آباد 05 اګست (اے پي پي) د دفاع وزير خواجه آصف او د كشمير چارو صلاحكار قمرزمان كائره وئيلي دي پاكستان به د كشميريانو د آزادۍ په خپلو ځلو كښې د هغوي سياسي،سفارتي او اخلاقي مرسته روانه ساتي ٬ دا د پاكستان د تكميل جنګ دے۔دوي د هند د اړخه د مقبوضه كشمير خصوصي حيثيت ختمولو اقدام په درې كاله پوره كيدو د جمعې په ورځ فارن آفس نه تر ډي چوك لاريون او بيا اولسي غونډې ته وينا كوله۔د دفاع وزير ووئيل مونږ له خپل نوے نسل د كشمير پاكستان سره د خپلولۍ د د اهميت څخه خبرول دي۔مونږ له به د يو قام په حېث د دې عزم پخلے او تجديد كول وي چې كشمير سره مونږ نه ختميدونكې خپلولي لرو او دې كښې به هيڅ ډول كمے رانشي او كشميريان به چرې هم دا كمے ونه ويني۔ده ووئيل نن د پاكستان په هره سيمه كښې مظاهرې كېږي،خو دا هم پوره نه دي ۔ د كشمير مسئله د 75 كلونو راهسې پروت يو زخم دے او په دې زخم ملهم اېښودل د پاكستانيانو عزم دے،يواځي په مخصوص ورځو كښې تر احتجاج محدود پاتې نه شو،د پاكستان اولس به په دې كښې كردار ترسره كوي۔ده ووئيل كشمير كاز لپاره زمونږ وسله والو ځواكونو جنګونه كړي ، هغوي په وركنګ باؤنډري او ايل اوسي پهره وركوي۔نن هغوي ته هم پيرزوئنې وړاندې كوو۔ده ووئيل ټوله نړۍ كښې به پاكستانيانو له د كشميريانو سره تعلق په ښه ډول رامخې ته كول وي۔په دې موقع د وزير اعظم د كشمير او ګلګت بلتستان چارو صلاحكار قمر زمان كائره ووئيل دا لاريون د كشميريانو سره د يووالي خرګندونه ده څوك چې د 70 كلونو راهسې د ظلم او جبر سره مخ دي خو د هغوي جذبې ته د هر ډول فريبونو باوجود څوك زيان نه شي رسولے۔كوم هم قامونه چې دا ډول جذبه لري هغوي څوك هم ځورولې نشي۔ده ووئيل د كشميريانو حوصلې ماتولو كښې په ناكامۍ په 5 اګست 2019 د كشمير آئيني او قانوني حيثيت بدلولو سره د كشمير د ډيموګرافي بدلولو هڅه شوې ۔ ده ووئېل پاكستان كښې هر حكومت د دې عزم څرګندونه كړې چې دا مقدمه به په لا ښه دول په نړيوال فورمز پورته كوو او خپل نوے نسل به د دې مسئلې څخه خبروو، ده ووئېل خارجه وزارت دا كيس په ښه ډول په ټوله نړۍ كښې پورته كوي۔ هند د ميډيا او سوشل ميډيا د لارې د كشميريانو حوصلو ته د زيان رسولو هڅه كوي۔ده ووئيل د كشميريانو د آزادۍ هلو ځلو كښې به پاكستان د هغوي هر ډول مرسته روانه ساتي۔په دې موقع حريت قيادت او سيكرټري خارجه سهيل محمود هم موجود وو۔
پاكستان به د كشميريانو د آزادۍ په هلو ځلو كښې د هغوي سياسي،سفارتي او اخلاقي مرسته روانه ساتي ۔ د دفاع وزير خواجه اصف لاريون ته وينا
مضمون کا ماخذ : آن لائن لاٹری
متعلقہ مضامین
