اسلام آباد۔2اکتوبر(اے پی پی) وزیراعظم محمد شہباز شریف نال ممتاز اسلامی سکالر ڈاکٹر ذاکر نائیک ملاقات کیتی۔ ایں موقع تے وزیراعظم آکھیے اسلام امن دا دین اے تے ذاکر نائیک ??سلام دا صحیح سنھیا لوکاں تئیں پڄا تے ھک اہم فرض نبھیندے پئن ۔ وزیراعظم آفس دے میڈیا ونگ توں جاری بیان موجب وزیراعظم پاکستان آوݨ تے ڈاکٹر ذاکر نائیک ??ا خیر مقدم کریندے آکھیے امت مسلمہ تساں تے ماݨ اے جو تساں دنیا کوں اسلام دے صحیح تشخص نال روشناس کروائے،اے امر ٻہوں خوش آئند اے جو تساݙے سامعین اچ ھک وݙی تعداد نینگراں دی ہے ۔وزیراعظم آکھیے میں تساݙے ??یکچرز ٻہوں شوق نال سݨداں جیڑھے ٻہوں پرمغز اتے تاثیر توں بھرپور ہوندن ۔وزیراعظم آکھیے میکوں اے ڄاݨ تے خوشی تھئی اے جو تساڈا پتر دی تساڈے نقش قدم تے چلدا پئے تے دین اسلام دی خدمت کریندا پئے ۔ وزیراعظم 2006 اچ ڈاکٹر ذاکر نائیک نال آپݨی پہلی ملاقات دا ذکر وی کیتا ۔ایں موقع تے ڳالھ کریندے ڈاکٹر ذاکر نائیک ??کھیے میں 1991 اچ پاکستان دا پہلا دورہ کیتا ہئی تے ہݨ تئیں ایندیاں یاداں تازہ ہن۔ڈاکٹر ذاکر نائیک ??کھیے پاکستان دنیا دا واحد ملک اے جیڑھا اسلام دے ناں تے بݨیا، اسلام ھک مکمل ضابطہ حیات اے جیڑھا اساکوں ہر معاملے اچ رہنمائی ݙیندے۔وزیراعظم آکھیے جے اساں اسلام دے رستے تے چلسوں تاں کامیاب تھیسوں،میݙا ایہو مشن اے جو دنیا اچ اسلام دا سنھیا عام کروں۔ ڈاکٹر ذاکر نائیک وزیراعظم کوں ݙسایا جو اواسلام آباد دے علاوہ کراچی تے لاہوراچ وی لیکچرز ݙیسن ۔وزیراعظم ڈاکٹر ذاکر نائیک ??انڳے نیک ??واہشات دا اظہار کیتے ، ڈاکٹر ذاکر نائیک ??کھیے اڄ میݙی پاکستان آوݨ د?? خواہش پوری تھئی جیں تے ٻہوں خوشی تھئی اے ،پاکستان دنیا دے نقش تے واحد ملک اے جیڑھا جو اسلام دے ناں تے معرض وجود اچ آئے ، پاکستان دے عوام دا اسلام نال گھاٹا لگاؤ اے ،اڄ اللہ میݙ?? خواہش پوری کیتی تے میں پاکستان دے پہلے سرکاری دورے تے آیاں ، ایں تے میں پاکستان دی حکومت دا شکر گزار ہاں جیں سݙیے ، انھاں آکھیے پاکستان دا ھک خصوصی درجہ اے، پاکستان دے مختلف شہراں دا دورہ کریساں ،علماء کرام نال ملاقاتاں تھیسن تے پبلک لیکچر ݙیساں
