اسلام آباد۔18نومبر (اے پی پی) وزیر اعظم محمد شہباز شریف ٹیکس نادہند??ان دے خلاف کارروا??یا?? تیز کرݨ دی ہدایت کریندیں ہوئیں آکھیا جو عوامی ریلیف کوں ہر ݙوجھے کم تے ترجیح ݙتی ونڄے، ٹیکس چوری اتے تعاون کرݨ آلیاں کوں کیفر کردار تئیں پڄا تے رہسوں۔سنوار کوں وزیر اعظم آفس دے میڈیا ونگ توں جاری بیان موجب وزیر اعظم محمد شہباز شریف دی صدارت معیشت دی صورتحال تے جائزہ اجلاس تھیا?? اجلاس اچ وزارت خزانہ آئی ایم ایف دے وفد نال تھیوݨ آلی ملاقاتاں تے بریفنگ ݙتی۔ وزیراعظم آکھیا جو ملک معاشی استحکام آلے پاسے ٹر پئے۔ وزیراعظم آکھیا جو ٻاہرلے ملک سرمایہ کار حکومتی پالیسیاں تے اعتماد کریندے پئن۔ عوام نال کیتے ڳئے وعدیاں کوں پورا کرݨ کیتے جو تھی سڳدے کریندے پئیوں۔ وزیراعظم آکھیا جو مہانگ دی شرح 38 فیصد توں ڳھٹ تے ست فیصد تے آڳئی اے۔ شرح سود 22 فیصد توں ڳھٹ تے 15 فیصد تے آڳئی اے۔ شرح سود اچ ڳھٹکی نال ملک اچ کاروباری سرگرمیاں ودھ ڳئن۔ زرعی شعبے اچ اصلاحات بارے وزیر اعلی پنجاب اتے پنجاب حکومت کوں خراج ??حس??ن پیش کریندوں۔ وزیراعظم ہدایت کیتی جو ٹیکس نہ ݙیوݨ آلیاں دے خلاف کاروا??یا?? تیز کیتی ونڄن۔ سارے شعبیاں کوں ٹیکس ݙے تے ملک دی ترقی اچ آپݨا کردار ادا کرݨاپوسی?? اجلاس کوںمعیشت دے اشاریاں، مہانگ دی اڄوکی صورتحال تے بریفنگ ݙتی ڳئی?? اجلاس کوں ٹیکس چوری اتے انہاں نال تعاون کرݨ آلیاں اتے انہاں دے خلاف کارائی بارے وی ݙسیا ڳئیا?? اجلاس اچ وفاقی وزرا محمد اورنگزیب، احد خان چیمہ، عطاء اللہ تارڑ، ڈاکٹر مصدق ملک، وزیر مملکت علی پرویز ملک، وزیر اعظم دے کوآرڈینیٹر رانا احسان افضل اتے متعلقہ اعلی حکام شریک تھیے۔
عوامی ریلیف کوں ہر ݙوجھے کم تے ترجیح ݙتی ونڄے، ٹیکس چوری اتے تعاون کرݨ آلیاں کوں کیفر کردار تئیں پڄا تے رہسوں، وزیر اعظم شہباز شریف دا معیشت دی صورتحال تے جائزہ اجلاس توں خطاب
مضمون کا ماخذ : ڈاگ ہاؤس
متعلقہ مضامین
